Wohi waali Sadak !

"Itne me Tera bas ek Khyaal jo aa gaya..Laga jaise..

Peeche se ek Ajnabee ne Dost keh kar Pukara ho ...."

 

Woh Sadak(1) !  

 

Ruki nahi mai…Chaar kadam aur chaali

Ek saans rok ke phir..bas chalti rahi..

Din zarur dhal gaya tha

Par who sadak to Jawan thi ..

Raat ka fasana Andhere ne chupaya tha

Usi pehlu pe lekin chupe the jawan dil ke armaan bhi..

Tere khyaal ne to.. ae dost !

Yaad zarur dilayi thi.

Us sannatte ko sunte sunte ab to..

Maine, agle lamhe me hi, teri awaaz ki aas lagai thi.

Sapno ka to chod hi do..Hakeeqat me raste band nazar aye..

Pichle mod pe mudna jo bhool gayi thi ....

 

Woh Sadak !

 Der Raat jab mai Ghar laut rahi thi..

Khaali Sadak ko logon ki kami thi

Ek geet jo mai gunguna rahi thi

Usme bhi thakawat ki nami thi..

Bawra Mann Dilli ghum raha tha

Jaise din abhi Dhalla hi na ho..

Aur un Beete Lamho ko Maap Tol raha tha

Jinme ek Ansuna Kissa chupa Pada ho

Kuch Durr jo Chali ayi mai...Hai koi nahi

Na koi Sadak ke Ujalo mai..na koi Andhero me..

Aur Teen Char kadam pe to jaise

Man bhi chup sa gaya ho

Itne me Tera bas ek Khyaal jo aa gaya..Laga jaise..

Peeche se ek Ajnabee ne Dost keh kar Pukara ho ....

"Samajh"

Puchti hoon mai samajh se ki kyu ayi woh meri nadaani ke beech.

Kyu sikha gayi mujhe woh saare matlab ?

Meri rooh ko jaga gayi woh ?

Abhi to bacchpana chuta bhi na tha.

Kagaz ki kashti dekh kar bhi labon par haasi aa jaati..

Ab to sochu jo ke ek pal thehar jau..

To zindagi chaar kadam age badh leti hai.

Aankhein maa ki ek nazar ko taras jaati hai.

Samundar ke anchal me jhulte jhulte..

Uski gehrayi ka andaaz ho gaya.

Jeene ke mayine badle,

Samajh se saamna ho gaya.

Nijhum

NiJhum..(nijhum means quiet..
here comes the desi one..)

Kesari falak ki shaam..lautte parinde
phir pankh woh Nijhum rahe
Nijhum unke silsiley
Nijhum mai.

Veeran ek ghaati thi aankhein dhundla jaati
Kohra Nijhum raha
Nijhum nazar
Nijhum mai.

Barf si sardi me..labz thirakte
uska ehsaas Nijhum raha
Nijhum hoonth
Nijhum mai.

Dheemi aanch par..dil pighalta tha
Aag Nijhum rahi
Nijhum bechaini
Nijhum mai.

Waqt ke dayre me..woh Raat bhi simat gayi
Yaad Nijhum rahi
Nijhum honsle
Nihjum mai.

Nijhum si kashmakash
Nijhum se bandhan
us Raat ke baad ka Savera bhi Nijhum
Nijhum Jaan
Nijhum Khayaal
Nijhum mai.